Tanınmış iş xanımı Ruhi Əliyeva paylaşdığı yeni görüntülərlə diqqət çəkib.

Zekainfo.az xəbər verir ki, Ruhi Əliyeva evində qonaq qəbuluna hazırlaşarkən bağında yetişdirdiyi qızılgülləri özü toplayıb. Həmin anlarda ona bağban yardım edib, görüntülər isə köməkçisi tərəfindən lentə alınıb.

İş xanımı qonaqpərvərliyi sevdiyini vurğulayaraq ev işləri ilə məşğul olmaqdan zövq aldığını deyib. O, süfrəni hazırlamağı və yeməkləri öz əlləri ilə bişirməyi xoşladığını qeyd edib.

Paylaşılan kadrlarda Ruhi Əliyevanın bağdan gül toplaması, daha sonra isə mətbəxdə qonaqlar üçün yeməklər hazırlaması əks olunub. Səmimi görüntülər sosial şəbəkə istifadəçiləri tərəfindən maraqla qarşılanıb və çoxsaylı rəylər toplayıb./Milli.az