Fransız qadınları yaşları irəliləsə belə, gənc görünüşlərini qoruyub saxlamaq bacarıqları ilə tanınırlar. Bəs bu necə mümkün olur? Dünyanın ən bahalı estetik klinikalarını və süni görünüş yaradan dolğuları bir kənara qoyun. Mütəxəssislər illərə meydan oxuyan fransız qadınlarının həyat tərzini araşdırdılar və nəticə olduqca sadədir: cavanlıq formulu böyük büdcələrdə deyil, sadə və davamlı gündəlik vərdişlərdə gizlidir.

Zekainfo.az xəbər verir ki, fransız gözəllik mədəniyyətində makiyaj dərini qalın bir təbəqə ilə gizlətmək üçün deyil, sağlam toxumanı ön plana çıxarmaq üçün bir vasitədir. Ağır tonal kremlərin yerinə yüngül örtücülərdən istifadə edirlər. Çünki mat və qalın təbəqələr qırışları gizlətmir, əksinə, onları daha çox nəzərə çarpdıraraq yaşlı görünüş yaradır. Dəri nə qədər şəffaf qalarsa, yaş bir o qədər az bəlli olur. Onlar üçün nəmləndirici istifadə etmək lüks deyil, dəri baryerini qoruyan gündəlik bir zərurətdir.

Yaşlanmanın ən böyük səbəbi olan günəş şüalarına qarşı sanki bir "strateji müdafiə" qururlar. Günəş şüalarının ən dik düşdüyü saatlarda (12:00-16:00 arası) günəşə birbaşa məruz qalmamağa diqqət edir və yüksək faktorlu günəş kremlərini dörd fəsil ərzində çantalarından əskik etmirlər. Stresdən uzaq duraraq kortizol səviyyəsini aşağı tutur və beləliklə, dərinin kollagen quruluşunu təbii yolla qoruyurlar.

Bir çox qadın dəri qüsurlarını örtmək üçün üst-üstə kosmetik məhsullar çəkir, lakin bu, yaşlanma prosesini sürətləndirir. Qalın və örtücülüyü yüksək olan məhsullar məsamələri tıxayaraq dərinin oksigen almasına mane olur, bu da dərinin matlaşmasına və erkən qırışmasına səbəb olur. Az makiyaj isə dərinin təbii şəkildə nəfəs almasını təmin edir.

Fransız qadınlarının sirri dərini nəmlə xaricdən basmaq deyil, onu doğru qaynaqlarla bəsləməkdir.

pH tarazlığı: Dərini təmizlədikdən sonra pH tarazlığını qorumaq üçün termal su spreyləri və ya gül suyu kimi təbii hidrosollardan istifadə edirlər.

Serumlar: Ağır kremlər yerinə hialuron turşusu əsaslı serumlar seçirlər.

Təbii yağlar: Nəmi həbs etmək üçün jojoba və ya itburnu tumu yağı kimi təbii yağlardan bir neçə damcı istifadə edirlər. Bu ritual bol su içmək və antioksidantla zəngin qidalanma ilə birləşdikdə, o məşhur təbii parıltını (French glow) bəxş edir.

Bu rejimi həyatınıza necə tətbiq edə bilərsiniz?
Bu sadə gözəllik anlayışını tətbiq etmək çox asandır:

Hər gün bütün üzünüzə qalın tonal krem çəkmək əvəzinə, yalnız ehtiyac olan bölgələrə yüngül bir örtücü tətbiq edin.

Diqqəti qırmızı dodaq boyasına və ya tuşa çevirin.

Səhər və axşam dərini nəmləndirməyi diş fırçalamaq kimi bir vərdiş halına gətirin.

Aynadakı xətlərə qüsur kimi deyil, yaşanmışlıqların və gülüşlərin izi kimi baxın. Özünüzə qarşı bu nazik və stresssiz münasibət kollagen istehsalını dəstəkləyərək sizə ən təbii cavanlığı hədiyyə edəcək.