"Penalti epizodunda çox məyus idim, matçın gedişində qol vurmağı düşünürdüm".

Zekainfo.az xəbər verir ki, bu sözləri "Qarabağ"ın futbolçusu Bəhlul Mustafazadə deyib.

"Ayntraxt"la matçda fərqlənməklə Çempionlar Liqasının əsas mərhələsində qol vuran ilk azərbaycanlı futbolçu Bəhlul fikirlərinə belə davam edib:

"Əsas olan komandamın qələbəsidir. "Ayaks"la oyundan sonra haqlı tənqidlər var idi. Amma biz toparlanmağı bacardıq. Qarşıda "Liverpul"la ağır oyun bizi gözləyir. Rəqib haqqında geniş danışmağa ehtiyac yoxdur. Lakin biz ora xal və ya xallar qazanmağa gedəcəyik".