Türk Ağsaqqalları İctimai Birliyinin sədr müavini Eyvaz Hünbətov:
“Müstəqillik bir dövlət üçün ən böyük nemətlərdən hesab olunur və bu nemət heç bir dövlətə hədiyyə olunmur. Müstəqillik böyük zəhmət, düzgün və uğurlu siyasətlə yanaşı xalqın qəhrəmanlığı və qanı hesabına əldə olunur.

Müasir müstəqillik tariximizin canlı şahidi və sinəsində “Xalq Cümhuriyyətinin 100 illik medalı”nı daşıyan Eyvaz Hünbətov olaraq deyə bilərəm ki, müstəqilliyimizi dünyada heç bir ölkədə olmadığı qədər çətin, ağır və qanla əldə etmişik. Əlbətdə müstəqilliyi əldə etmək nə qədər çətindirsə onu qoruyub saxlamaq bir o qədər çətindir. Ona görə də əziz həmvətənlərimiz, bizlər qalib Xalqın nümayəndəsi olaraq əldə etdiklərimizin – müstəqilliyimizin, suverenliyimizin, sabitliyimizin və bütün bunları bizlərə bəxş edən möhtərəm cənab Prezidentimiz İlham Əliyevin qədrini bilməliyik!
Bütün xalqımızı 28 May Müstəqillik Günü münasibətilə təbrik edirəm!”