Parlamentdəki mənbələrdən Euronews-a verilən məlumata görə, Komissiya sədri planlaşdırıldığı kimi çərşənbə günü yeni komandasının formalaşdırılmasını müzakirə etmək üçün Avropa Parlamentinin (AP) üzvləri ilə görüşməyəcək.

Çərşənbə axşamı üç parlament mənbəsi təsdiqlədi ki, Ursula von der Leyen yeni komissarlar komandasının və rəhbərlik edəcəkləri siyasət sahələrinin təqdimatını gələn həftəyə təxirə salıb.

Komissiyanın sədri çərşənbə günü Avropa Parlamentinin siyasi qruplarının prezidentləri ilə görüşməli idi və növbəti beş il ərzində güclü Aİ icra hakimiyyətinin işinə rəhbərlik etmək vəzifəsi daşıyan 26 Avropa komissarından ibarət komandasının toplanmasında irəliləyişləri müzakirə etməli idi.

O, artıq bu iclasda iştirak etməyəcək və bu, komissarların "kollec"inin təyin edilməsi prosesinin gözlənildiyindən daha uzun çəkə biləcəyini göstərir.

Bu gecikmə qismən keçmiş diplomat Marta Kosu təyin edən Sloveniyanın son dəqiqə dəyişikliyi ilə bağlı olardı. Bu dəyişiklik bazar ertəsi Lyublyana hökuməti tərəfindən elan edilib, lakin hələ də Sloveniya Parlamenti tərəfindən ratifikasiya edilməlidir.

Dəyişiklik, xanım fon der Leyen yeni komandasında gender bərabərliyini təmin etmək səylərinin bir hissəsi olaraq, bir neçə AB hökumətinə kişi təyinatlarını qadınlarla əvəz etmələri üçün təzyiq etdikdən sonra baş verdi.

Komissiya sözçüsü keçən cümə günü çərşənbə gününə planlaşdırılan görüşün "yeni kollecin qurulması üzrə davam edən iş" haqqında "fikir mübadiləsi" üçün nəzərdə tutulduğunu, xanım fon der Leyenin komandasının yekun strukturunu təklif etməyəcəyini irəli sürdüyünü söylədi.

Xanım Von der Leyenin gələn həftə Strasburqda keçiriləcək Avropa Parlamentinin plenar iclasında öz komandasını və onların rollarını açıqlayacağı gözlənilir.

Tərcümə edəni Səfər Abbasob/zekainfo.az