Tehrandakı dəfn mərasimindən sonra İsmayıl Haniyənin qalıqları cümə günü mühacirətdə yaşadığı Qətərdə dəfn edilməlidir.

İranda matəm izdihamı İsmayıl Haniyənin Tehrandan keçərək maşınla daşındığı tabutun ətrafına toplaşıb.

HƏMAS siyasi büro rəhbərinin dəfn mərasimində minlərlə iştirakçı Fələstin və İran bayraqları dalğalandırıb.

İranın ali dini lideri Ayətullah Əli Xamenei Tehran Universitetində cənazə namazını İranın yeni prezidenti Məsud Pezeşkianın yanında qıldırıb.

Tehrandakı bu dəfn mərasimindən sonra İsmayıl Haniyənin qalıqları cümə günü mühacirətdə yaşadığı Qətərdə dəfn edilməlidir.

HƏMAS lideri Tehranda qaldığı iqamətgaha endirilən hava zərbəsi nəticəsində öldürülüb. O, İranın yeni prezidentinin andiçmə mərasimində iştirak etmək üçün İrana səfər edib.

Oktyabrın 7-də islamçı qrupun 1200 nəfərin ölümünə səbəb olan hücumundan sonra İsrail Haniyəni və digər Həmas liderlərini öldürməyi öhdəsinə götürmüşdü.

Zərbə İsrailin Livanın paytaxtı Beyrutda İranın müttəfiqi Hizbullahın yüksək rütbəli komandirini hədəf almasından bir neçə saat sonra baş verib.

Tərcümə edəni İlyas Qədimov /zekainfo.az