11 sentyabr hücumlarının təşkilatçısı Xalid Şeyx Məhəmməd ona qarşı irəli sürülən ittihamları boynuna alaraq Amerika ədliyyə sistemi ilə razılığa gəlib.

2001-ci il sentyabrın 11-də “Əl-Qaidə”nin ABŞ-a qarşı törətdiyi hücumların təşkilatçısı olmaqda ittiham olunan Xalid Şeyx Məhəmməd təqsirini boynuna almağa razılaşıb.

Digər iki terrorçu Valid Bin Attaş və Mustafa əl-Hövsəvi də eyni şeyi ediblər.

Onların hamısı ABŞ-ın Quantanamodakı hərbi dəniz bazasında illərlə məhkəməsiz saxlanılıb və ittihamın şərtlərini, onları ölüm cəzası riskindən xilas edəcək ömürlük həbs cəzasını qəbul ediblər.

ABŞ mediasının məlumatına görə, baş prokuror kontr-admiral Aaron Ruqun məktubunda həlak olanların ailələrinə məlumat verilib ki, həmin şəxslər 2976 nəfərin qətli də daxil olmaqla bütün ittihamları etiraf edəcəklər.

Tərcümə edəni İlyas Qədimov /zekainfo.az